Kashmakash

Har zarre me tera ehsaas hai, Har mehek me teri khusboo

har dua me tera naam hai, har lamhe me teri arzoo

yeh kaisi zid hai is kambakht dil ki jalte jane ki

yeahi sawal zehen me gunjhta hai

kyun daman tera mujhse chutta nahi

Jiye ja rahe hain andekhi yadoon ke sahare

Ankahe ansune tere wadon ke kinare

Guftagu karte hain teri ankhon se har pal

Yeh kaisa bharam hai jo tutta nahi

kyun daman tera mujhse chutta nahi

yunhi bewajah hi kabhi muskurataten bunte hain

jo kabhi sang gungunayeh the jab woh dhune sunte hain

kyun sunai deti hai bite dino ki ahaten ab bhi

yeh kaisa bandhan hai to tut ta nahi

kyun daman tera mujhse chutta nahi

Dil jala hain zakhmi huya hai teri baaton se

phir malham bhi paya hai tere unhi haanthon se

tune lakh koshishen karke dekh li

par yeh nadan hai ke tujhse roothta nahi

kyun daman tera mujhse chutta nahi

zindagi aage nikal aai hai hume piche chodke

mazilon ko badti ja rahi hai dil se muh modke

aa gaya hai wakht mere bhi aage badne ka

par yeh paon hai jo badne ko uthta nahi 

kyun daman tera mujhse chutta nahi

yeh zindagi badal rahi hai rahen apni 

waqt phaiyae kahad hai mere liye bahen apni 

par mai aab bhi usi sawal me ulzhi kadi hoon

kyun jawab iska mujhse bujhta nahi

kyun daman tera mujhse chutta nahi

INSAAN

Dharti banti nadiyan bante, bante granth puran
Jab bacha nahi kuch bantne ko to bhant diya bhagwan
Itrakar jisko kehete tha tu shrishti ki shaan
Aye duniya banane wale kya hai yahi tera insaan???

Jaati Dharm Mazhab ke naam par har taraf hai hahakar
Satya Ahinsa Aman Shanti, har shiksha hui bekar
Dharti roye khoon ke ansoon, tu dekh khada bejaan
Aye duniya banane wale kya hai yahi tera insaan???

Desh ke neta bhi kamal hain, karte hain wade hazar
Khuch nahi, hain dhakosle saare, bas hai satta ka pyar
Lakhon janta bhikhi marti, par yeh khayen pakwan
Aye duniya banane wale kya hai yahi tera insaan???

Kamiyabi ki sidhi chadne baas kate hain gale do chaar
Life me bas hai ek hi funda "jane bhi do yaar"
Bech khayenge desh ko sare bas paisa inka eeman
Aye duniya banane wale kya hai yahi tera insaan???

Dakhile se Pension dene tak rishwat khate sarkar
Beimani hai jad tak phaili hai sabko yahi bukhar
Naas naas me curruption bhage phir bhi kahe desh mahan
Aye duniya banane wale kya hai yahi tera insaan???


So gayi atmayen sabki, na hi kare zameer chuitkaar
Khada tamasha dekh raha yeh sara jag sansaar
Karname dekh in insaanon ke sharma jaye haiwan
Aye duniya banane wale kya hai yahi tera insaan???

Jagegi manavta ek din yeahi kar kar intezar
Din mahine saal hain beete, hain sadiyan ho gai paar
Badal gai yeh shrishti sari kab badlen yeh beiman
Aye duniya banane wale kya hai yahi tera insaan???

te amo

"nadie nunca vio el verdadero me como siempre me escondia detras de mi

pero usted tiene los ojos para ver en mi alma y me encanta ser vistos por ti"